ផ្ទះមេគង្គ ជួយពង្រឹងដល់គ្រួសារជាច្រើន តាមរយៈការជួយឲ្យជីវភាពគ្រួសារមានភាពប្រសើរឡើង បង្កើនសុវត្ថិភាព និង ផ្តល់នូវឱកាសដល់អ្នកស្នាក់នៅ។
អនាម័យក្នុងផ្ទះ គឺពិតជារឿងសំខាន់បំផុតសម្រាប់សុខភាព និង សុវត្ថិភាពសហគមន៍។ តាមរយៈការផ្តល់នូវបន្ទប់ទឹក និង ប្រព័ន្ធបង្ហូរកាកសំណល់នៅក្នុងផ្ទះមេគង្គ យើងអាចធានាបានថា គ្រួសារទាំងអស់រស់នៅក្នុងបរិស្ថានប្រកបដោយសុវត្ថិភាព ដែលកាត់បន្ថយនូវហានិភ័យបង្កឡើងដោយជម្ងឺ និង មេរោគផ្សេងៗ។
ការពង្រឹងជីវភាពគ្រួសារ ក៏ផ្តល់នូវឥទ្ធិពលជាវិជ្ជមាន ដល់សេចក្ដីថ្លៃថ្នូរ សុខភាពផ្លូវចិត្ត និងឱកាស។ អតិថិជនមួយចំនួនបានដឹងច្បាស់ថា ចាប់តាំងពីមានផ្ទះមេគង្គមក ពួកគេមានពេលវេលាច្រើនជាងមុនក្នុងការប្រកបការងារអាជីវកម្មដែលអាចធ្វើនៅផ្ទះ ហើយមិនត្រឹមតែប៉ុណ្ណោះវាជួយឲ្យ ពួកគេរីករាយជាងមុន ជាពិសេសកាន់តែមានភាពរីករាយជាមួយនឹងសហគមន៍ដែលពួកគេកំពុងរស់នៅ។
ដោយសារតែផ្ទះមេគង្គនេះ សម្របខ្លួនយ៉ាងល្អជាមួយនឹងបរិស្ថាន ជាពិសេសនោះបញ្ហាកម្តៅ និង ភ្លៀង វាបានជួយឲ្យគ្រួសារជាច្រើនមានសុវត្ថិភាពជាងមុន និង ទទួលបានការការពារប្រសើរជាងមុន។
លើសពីនេះទៀត គ្រួសារទាំងនោះទទួលបានចំណេះដឹងហិរញ្ញវត្ថុតាមរយៈទំនួលខុសត្រូវចំពោះប្រាក់កម្ចី ការណែនាំ និង ការបណ្តុះបណ្តាលពីក្រុមការងាររបស់ផ្ទះមេគង្គ។ តាមរយៈការរីកចម្រើននូវចំណេះដឹងហិរញ្ញវត្ថុនេះ គ្រួសារនៅតាមទីជនបទទាំងនោះ អាចសម្រេចចិត្តបានកាន់តែប្រសើរជាងមុន ជាពិសេសនោះគឺអាច ពិនិត្យ និង តាមដានព័ត៌មានយ៉ាងគ្រប់ជ្រុងជ្រោយ មុនពេលធ្វើការសម្រេចចិត្តអ្វីមួយ។