ដៃគូយុទ្ធសាស្ត្ររបស់យើង នឹងដើរតួយ៉ាងសំខាន់ក្នុងការធានាថា ផ្ទះមេគង្គនឹងបន្តបេសកកម្មរបស់ខ្លួនក្នុងការធ្វើឲ្យប្រជាជននៅតាមសហគមន៍ជនបទមានការរស់នៅប្រសើរជាងមុន។ យើងធ្វើការជាមួយនឹងស្ថាប័នសំខាន់ៗក្នុងប្រទេសកម្ពុជា ដូចជា គ្រឹះស្ថានមីក្រូហិរញ្ញវត្ថុ មូលនិធិអភិវឌ្ឍន៍ ធនាគារ អង្គការមិនមែនរដ្ឋាភិបាល និងក្រុមហ៊ុនសាងសង់ជាច្រើន ដើម្បីផ្តល់ជូនដំណោះស្រាយរួមគ្នា សម្រាប់គ្រួសារជាច្រើន ដែលត្រូវការផ្ទះដែលមានគុណភាពល្អ និង តម្លៃសមរម្យបំផុត។ ភាពជាដៃគូប្រកបដោយចីរភាព និង ភាពជ្រាលជ្រៅនោះ មានន័យថា ផ្ទះមេគង្គនឹងបន្តក្លាយជាដំណោះស្រាយប្រកបដោយតម្លៃ ភាពងាយស្រួល និង ភាពដែលអាចសម្រេចទៅបាន សម្រាប់គ្រួសារ និង សហគមន៍នៅទីជនបទ។
